తెలంగాణ - CLICK HERE

మేడ్చల్
మేడ్చల్

మేడ్చల్ నియోజకవర్గంలో మొత్తం ఓటర్లు 4,85,202 అందులో పురుషులు -2,52,873  మహిళలు - 2,32,271, థర్డ్ జెండర్  58 మంది ఉన్నారు. 

2018 అసెంబ్లీ ఎన్నికలకు టిఆర్ఎస్ నుంచి ఎంపి చామకూర మల్లారెడ్డి బరిలోకి దిగారు.  కాంగ్రెస్ పార్టీ నుంచి కిచ్చెన్నగారి లక్ష్మారెడ్డి పోటీ చేస్తున్నారు. బిజెపి నుండి పి.మోహన్ రెడ్డి , బిఎల్ఎఫ్ నుంచి గుజ్జు రమేష్ (బిఎల్పీ) పోటీకి దిగారు. 

రంగారెడ్డి జిల్లాలో కాంగ్రెస్ పార్టీ అభ్యర్ధి, సిట్టింగ్ ఎమ్మెల్యే కిచ్చన్నగారి లక్ష్మారెడ్డి ,2014 సాధారణ ఎన్నికలో మూడో స్థానానికి పడిపోవడం విశేషం. ఆయనకు 58106 ఓట్లు వచ్చాయి. టిఆర్ఎస్ తరపున పోటీ చేసిన ఎం.సుధీర్ రెడ్డి 43455 ఓట్ల ఆధిక్యతతో టిడిపి సమీప ప్రత్యర్ధి జంగయ్య యాదవ్ పై విజయం సాధించారు. 
మొత్తం 12సార్లు ఎన్నికలు జరగ్గా .. కాంగ్రెస్ , కాంగ్రెస్ ఐ లు కలిసి ఏడుసార్లు గెల్చాయి. టిడిపి నాలుగుసార్లు గెలిచింది. టిఆర్ఎస్ ఒకసారి గెల్చింది.  డాక్టర్ మర్రి చెన్నారెడ్డి 1978లో ఇక్కడ గెలిచాకే ముఖ్యమంత్రి అయ్యారు.  చెన్నారెడ్డి మొత్తం ఆరుసార్లు శాసనసభకు ఎన్నికయ్యారు. వికారాబాద్, తాండూరులలో రెండేసి సార్లు, ఒకసారి సనత్ నగర్ లోను ఆయన గెలుపొందారు. 
గతంలో ఈయన నీలం, కాసు మంత్రివర్గాలలో సభ్యునిగా ఉన్నారు. కేంద్రంలో మంత్రి పదవి కూడా నిర్వహించిన చెన్నారెడ్డి నాలుగు రాష్ట్రాలకు గవర్నరుగా పని చేశారు. ఒకసారి ఆయన ఎన్నిక చెల్లదని కోర్టు ప్రకటించింది. ఇదే సమయంలో మొదలైన తెలంగాణ ఉద్యమానికి నాయకత్వం వహించి , తెలంగాణ ప్రజా సమితి పార్టీని విజయపథంలో నడిపించిన ఘనత పొందారు. 
మేడ్చల్ లో రెండుసార్లు గెల్చిన సుమిత్రాదేవి  మరో మూడుసార్లు ఇతర చోట్ల గెల్చారు. టిడిపిలో జెడ్పీ ఛైర్మన్ గా రాజకీయ రంగ ప్రవేశం చేసిన టి.దేవేందర్ గౌడ్ ఇక్కడ మూడుసార్లు విజయం సాధించారు. ఎన్టీఆర్, చంద్రబాబు క్యాబినెట్ లలో సభ్యునిగా ఉన్న దేవేందర్ గౌడ్ 2008నాటికి టిడిపిని వదిలి సొంతంగా పార్టీని నవతెలంగాణ పేరిట ఏర్పాటు చేశారు. కొంతకాలం తెలంగాణ సాధన ఉద్యమంలో పాల్గొన్నారు. ఆ తర్వాత పార్టీని ప్రజారాజ్యంలో విలీనం చేసి 2009లో మల్కాజిగిరి లోక్ సభకు, ఇబ్రహీంపట్నం అసెంబ్లీకి పోటీ చేసి రాజకీయంగా ఎదురుదెబ్బ తిన్నారు. ఆ తర్వాత తిరిగి టిడిపిలో పున ప్రవేశించి రాజ్యసభ సభ్యుడయ్యారు. ఇక్కడ నుంచి పోటీ చేసి గెలుపొందినవారిలో సుమిత్రాదేవి, ఉమా వెంకట్రామిరెడ్డి, కె.సురేంద్ర రెడ్డిలు కూడా మంత్రులుగా పని చేశారు. 
 

Activities are not Found
No results found.