తెలంగాణ - CLICK HERE

చెన్నూరు ఎస్సీ నియోజకవర్గంలో మొత్తం ఓటర్లు 1,61,401 . అందులో పురుషులు - 81,700, మహిళలు - 79,684, థర్డ్ జెండర్ - 17 మంది ఉన్నారు.

2018 ఎన్నికలలకు టిఆర్ఎస్ తమ అభ్యర్ధిగా 2014 ఎన్నికల్లో పెద్దపల్లి ఎంపీగా గెల్చిన బాల్క సుమన్ ను బరిలోకి దింపింది. కాంగ్రెస్ పార్టీ నుంచి వెంకటేశ్ నేత బోర్లకుంట, తెలంగాణ జన సమితి నుండి నరేష్ పోటీ చేస్తున్నారు. బిజెపి నుండి ఎ.శ్రీనివాసులు ఎన్నికల బరిలోకి దిగారు. బోడ జనార్ధన్ (బిఎస్పీ) బిఎల్ఎఫ్ నుండి పోటీకి దిగారు. 

 చెన్నూరు రిజర్వుడ్ నియోజకవర్గంలో 20014 ఎన్నికల్లో టిఆర్ఎస్ సిట్టింగ్ ఎమ్మెల్యే నల్లాల ఓదేలు మూడోసారి గెల్చారు. ఆయన తన సమీప ప్రత్యర్ధి మాజీ మంత్రి వినోద్ ను ఓడించారు. 2009లో గెల్చిన ఓదేలు తెలంగాణ ఉద్యమంలో భాగంగా తన పదివికి రాజీనామా చేసి రెండోసారి ఉప ఎన్నికలో గెలుపొందారు. తెలంగాణ ఏర్పాటైన నేపథ్యంలో తిరిగి 26164 ఓట్ల తేడాతో మూడోసారి ఘనవిజయం సాధించారు. బిజెపి-టిడిపి కూటమి తరపున పోటీ చేసిన రామ్ వేణుకు 7879 ఓట్లు మాత్రమే వచ్చి మూడో స్థానంలో ఉన్నారు. 
2009లో కూడా చెన్నూరు అసెంబ్లీ నియోజకవర్గంలో అప్పట్లో కార్మిక శాఖామంత్రిగా ఉన్న జి.వినోద్ ను నల్లాల ఓదేలు 11,474 ఓట్ల తేడాతో ఓడించారు. తెలంగాణ సాధన కోసం పార్టీ నిర్ణయం మేరకు 2010 ఫిబ్రవరిలో అసెంబ్లీకి రాజీనామా చేసి తిరిగి పోటీలో నిలబడి వినోద్ పైనే 44వేల పైచిలుకు ఓట్ల మెజార్టీతో రెండో సారి గెలిచారు. ఇప్పుడు మూడో సారి వినోద్ పై గెలుపొందడం విశేషం. 
1962 నుంచి చెన్నూరు రిజర్వుడు నియోజకవర్గంగానే కొనసాగుతుంది. ఇక్కడ కాంగ్రెస్, కాంగ్రెస్ ఐ కలిసి ఐదుసార్లు గెలుపొందితే, టిడిపి ఐదుసార్లు, టిఆర్ఎస్ మూడు సార్లు విజయం సాధించింది. 1983 తర్వాత ఒక్కసారే కాంగ్రెస్ గెలవగలింది.  మహాకూటమిలో భాగంగా 2009లో టిఆర్ఎస్ 2009 పోటీ చేసి గెలవగా, ఈసారి సాధారణ ఒంటరిగా పోటీ చేసి విజయాన్ని కైవసం చేసుకుంది. 
ప్రముఖ కాంగ్రెస్ నేత కోదాటి రాజమల్లు ఇక్కడ మూడుసార్లు గెలిస్తే.. అంతకముందు సిర్పూరులో ఒకసారి, లక్సెట్టిపేటలో మరోసారి గెల్చారు. టిడిపి తరపున బోడ జనార్ధన్ నాలుగుసార్లు, ప్రముఖ కార్మికనేత , ఏడుసార్లు ఎంపిగా గెల్చిన జి.వెంకటస్వామి కుమారుడు వినోద్ 2004లో ఇక్కడ గెల్చారు.

2014 ఎన్నికల్లో పెద్దపల్లి ఎంపీగా గెల్చిన బాల్క సుమన్ ను ఈసారి చెన్నూరు నుంచి బరిలోకి దింపింది టీఆర్ఎస్.