తెలంగాణ - CLICK HERE

స్టేషను ఘనపూర్
స్టేషను ఘనపూర్

స్టేషన్ ఘన్ పూర్(ఎస్సీ) నియోజకవర్గంలో మొత్తం ఓటర్లు 2,22,148  . అందులో పురుషులు -  1,11,282 , మహిళలు - 1,10,863, థర్డ్ జెండర్ - 3 మంది ఉన్నారు. 

2018 అసెంబ్లీ ఎన్నికలకు టిఆర్ఎస్ తరపున  తాజా ఎమ్మెల్యే తాటికొండ రాజయ్య పోటీకి దిగారు. కాంగ్రెస్ పార్టీ నుంచి సింగపూర్ ఇందిర పోటీ చేస్తున్నారు.  ఇక బిజెపి అభ్యర్ధిగా పెరుమాండ్ల వెంకటేశ్వర్లు, బిఎస్పీ తరపున రాజారపు ప్రతాప్ ఎన్నికలబరిలో దిగారు.

రిజర్వుడ్ నియోజకవర్గమైన స్టేషన్ ఘన్ పూర్ లో సిట్టింగ్ ఎమ్మెల్యే డాక్టర్ టి.రాజయ్య మూడోసారి గెలుపొందారు. తెలంగాణ తొలి కేబినెట్ లో ఆయన డిప్యూటీ సీఎం అయ్యే అవకాశాన్ని ముఖ్యమంత్రి కేసీఆర్ ఇచ్చారు. కానీ ఆ తర్వాత పరిణామాలలో పదవి కోల్పోయి మాజీగా మిగిలారు. ఆయన బదులు వరంగల్ లోక్ సభకు ఎన్నికైన కడియం శ్రీహరి ఉప ముఖ్యమంత్రి అయ్యారు. 2014 సాధారణ ఎన్నికల్లో రాజయ్య తన సమీప ప్రత్యర్ధి, కాంగ్రెస్ అభ్యర్ధి విజయరామారావుపై 58829 ఓట్ల ఆధిక్యంతో విజయ ఢంకా మోగించారు. ఇక్కడ టిడిపి-బిజెపి కూటమి అభ్యర్ధిగా రంగంలోకి దిగిన డి.సాంబయ్యకు 20430 ఓట్లు వచ్చాయి. రాజయ్య 2009లో కాంగ్రెస్  నుంచి గెలుపొంది టిఆర్ఎస్ లోకి వస్తే.. విజయరామారావు 2004లో టిఆర్ఎస్ లో గెలిచి శాసనసభ పక్ష నేతగా ఉండి, తదుపరి ఉప ఎన్నికలో ఓటమి చెందారు. తెలంగాణ ప్రకటన వెలువడిన తర్వాత కాంగ్రెస్ లోకి వెళ్లినా ఆయనకు ఫలితం దక్కలేదు. రాజయ్య తెలంగాణ ఉద్యమ సమయంలో కాంగ్రెస్ కు రాజీనామా చేసి టీఆర్ఎస్ లో చేరారు. తదుపరి ఎమ్మెల్యే పదవికి రాజీనామా చేసి ఉప ఎన్నికలో గెలిచారు. తిరిగి సాధారణ ఎన్నికలలో కూడా ఘన విజయం సాధించారు. గతంలో ఇక్కడ మూడుసార్లు ప్రాతినిధ్యం వహించిన టిడిపి నేత కడియం శ్రీహరి కూడా టిఆర్ఎస్ లో చేరి వరంగల్ నుంచి లోక్ సభ కు పోటీ చేసి విజయం సాధించడం విశేషం. 
స్టేషన్ ఘన్ పూర్ నుంచి 2008 ఉప ఎన్నికలో గెలుపొందిన టిడిపి సీనియర్ నేత కడియం శ్రీహరి, 2009 సాధారణ ఎన్నికలో ఓడిపోయారు. కడియం ఇక్కడ నుంచి మూడుసార్లు గెలిస్తే, గోక రామస్వామి రెండుసార్లు గెలిచారు. 2004లో టిఆర్ఎస్ శాసనసభ పక్షనేతగా వ్యవహరించిన డాక్టర్ జి.విజయరామారావు ఇక్కడ నుంచే ఒకసారి గెలిస్తే, మరోసారి మెదక్ జిల్లా గజ్వేల్ లో గెలిచారు. ఒకసారి సిద్దిపేట నుంచి లోక్ సభకు ఎన్నికయ్యారు. 2008లో టిఆర్ఎస్ వ్యవహారంలో భాగంగా పదవికి రాజీనామా చేసి ఉప ఎన్నికలో పోటీ చేయగా ఆయన ఓడిపోయారు. అప్పుడు టిడిపి నేత కడియం శ్రీహరి గెలిచారు. 
1985లో ఇక్కడ గెలిచిన బొజ్జపల్లి రాజయ్య 1999లో పరకాలలో విజయం సాధించారు.  ఈ నియోజకవర్గం జనరల్ గా ఉన్నప్పుడు ఇక్కడ ఒకసారి గెలిచిన టి.హయగ్రీవాచారి , ధర్మసాగర్ లో రెండుసార్లు, హన్మకొండలో ఒకసారి గెలిచారు. హయగ్రీవాచారి తర్వాత కాలంలో నక్సల్స్ తూటాలకు బలైపోయారు. హయగ్రీవాచారి గతంలో పివి, మర్రి, అంజయ్య, కోట్ల కేబినెట్లలో పని చేశారు. గోకా రామస్వామి 1978లో చెన్నారెడ్డి కేబినెట్ లో కొద్దికాలం పని చేసి ముఖ్యమంత్రితో పడక రాజీనామా చేసి సంచలనం సృష్టించారు. కడియం శ్రీహరి 1994లో ఎన్టీఆర్ కేబినెట్ లోను, తదుపరి చంద్రబాబు కేబినెట్ లోనూ పనిచేశారు. డాక్టర్ జి.విజయరామారావు కొంతకాలం డాక్టర్ రాజశేఖర్ రెడ్డి కేబినెట్ లో పని చేశారు. 
స్టేషన్ ఘన్ పూర్ నియోజకవర్గానికి 15 సార్లు ఎన్నికలు జరిగితే కాంగ్రెస్, కాంగ్రెస్ ఐ లు కలిసి ఆరుసార్లు, టిడిపి నాలుగుసార్లు, సిపిఐ ఒకసారి, టిఆర్ఎస్ రెండుసార్లు, ఇండిపెండెంట్లు ఒకసారి గెలిచారు. 

  

2018 అసెంబ్లీ ఎన్నికలకు తమ అభ్యర్ధిగా సిట్టింగ్ ఎమ్మెల్యే రాజయ్యను బరిలోకి దింపింది టిఆర్ఎస్ . ఇక బిజెపి తమ అభ్యర్ధిగా పెరుమాండ్ల వెంకటేశ్వర్లును పోటీలో నిలిపింది. 

Activities are not Found
No results found.
By Continuing to use our site you consent to the use of cookies as described in our privacy policy Accept and Close
Telegram Connect With Telegram