తెలంగాణలో మళ్లీ పెరిగిన కరోనా కేసులు..

తెలంగాణలో మళ్లీ పెరిగిన కరోనా కేసులు..

తెలంగాణలో కరోనా కేసులు తగ్గినా.. మళ్లీ పెరుగుతున్నాయి... నిన్న భారీ సంఖ్యలో కొత్త కేసులు నమోదు కాగా.. ఇవాళ ఆ కేసుల సంఖ్య మరింత పెరిగింది. తెలంగాణ వైద్య ఆరోగ్యశాఖ విడుదల చేసిన తాజా కరోనా బులెటిన్‌ ప్రకారం గత 24 గంటల్లో కొత్తగా 2,296 పాజిటివ్‌ కేసులు నమోదు కాగా.. 10 మంది మృతిచెందారు. దీంతో రాష్ట్రంలో పాజిటివ్‌ కేసుల సంఖ్య 1,77,070కి చేరింది. ఇప్పటి వరకు 1,062 మంది మృతిచెందారు. ప్రస్తుతం రాష్ట్రంలో 29,873 యాక్టివ్‌ కేసులు ఉన్నట్టు ప్రభుత్వం పేర్కొంది. ఇక, ఇప్పటి వరకు కరోనాబారినపడి 1,46,135 మంది పూర్తిగా కోనుకున్నారు. గత 24 గంటల్లో అత్యధికంగా హైదరాబాద్‌లో 321, రంగారెడ్డి జిల్లాలో 217, మేడ్చల్‌లో 173 పాజిటివ్‌ కేసులు నమోదు అయ్యాయి. ఇక, భారత్‌లో కరోనా మరణాల రేటు 1.59 శాతంగా ఉంటే.. తెలంగాణలో 0.59 శాతంగా ఉంది. ఇక, కరోనా రికవరీ రేటు దేశవ్యాప్తంగా 81.23 శాతంగా ఉండగా.. తెలంగాణలో 82.52 శాతానికి పెరిగింది.