బీహార్ లో ఘోర రోడ్డు ప్రమాదం: 8 మంది మృతి... 

బీహార్ లో ఘోర రోడ్డు ప్రమాదం జరిగింది.  ఈ ప్రమాదంలో 8 మంది మృతి చెందారు .  మరో నలుగురికి తీవ్రగాయాలయ్యాయి.  10 మంది ప్రయాణికులతో వెళ్తున్న ఓ ఆటో... ట్రక్కును ఢీకొట్టింది.  కటిహర్ జిల్లాలోని కుర్షేలా సమీపంలో 31 వ జాతీయ రహదారిపై ఈ ప్రమాదం జరిగింది.  10 మందితో కూడిన బ్యాండ్ బృందం ఆటోలో పూర్నియా నుంచి ఆటోలో బయలుదేరినట్టు పోలీసులు తెలిపారు.  ఆటో కుర్షేలా సమీపంలోని 31 వ జాతీయ రహదారిపైకి చేరుకున్నాక ఎదురుగా వస్తున్న ట్రక్ ను ఢీకొట్టింది.  సమాచారం తెలుసుకున్న వెంటనే పోలీసులు సంఘటనా స్థలానికి చేరుకున్నారు.  ప్రమాదంలో మృతి చెందిన వారిని పోస్ట్ మార్టం నిమిత్తం ఆస్పత్రికి తరలించారు.  ఇక తీవ్రంగా గాయపడిన నలుగురికి చికిత్స అందిస్తున్నారు.